Центар за Јавно Здравје Охрид

МИКРОБИОЛОШКИ НАОДИ ПО Е-МАИЛ

Со цел подигање на нивото на квалитетот на здравствените лабораториски услуги кои ги пружа Лабораторијата за медицинска микробиологија при Центар за јавно здравје Охрид, воведуваме можност пациентите да ги добиваат своите микробиолошките наоди (освен од уринокултура) и по електронски пат, на својот е-маил, а истите да бидат испратени и на е-маил на нивниот матичен лекар. На тој начин сметаме дека ќе се забрза и олесни дијагностицирањето на видот на заболувањето и ќе се подобри ефикасноста на лекувањето.

НАПОМЕНА: Микробиолошките наоди во Центар за јавно здравје Охрид се издаваат доколку пациентот при приемот е уредно заведен во евиденцијата на приемното одделение, односно ја поседувал потребната документација (важечки упат од матичен лекар, доказ за здравствено осигурување и платена партиципација/доказ за ослободување од партиципација)

ПАЦИЕНТИ: За да ги добивате Вашите наоди на е-маил, потребно е пополнување на соодветна изјава-согласност која можете да ја добиете на приемното пдделение во Центар за јавно здравје Охрид или да ја симнете овде и пополнета да ја доставите на адреса на Центар за јавно здравје Охрид, ул.„Сирма Војвода“ бб, Охрид или да ја испратите на е-маилmikroohrid@gmail.com

МАТИЧНИ ЛЕКАРИ: За да ги добивате наодите на Вашите пациенти на е-маил, потребно е пополнување на соодветна изјава-согласност која можете да ја симнете овде и пополнета (со потпис и печат) да ја доставите на адреса на Центар за јавно здравје Охрид, ул.„Сирма Војвода“ бб, Охрид или да ја испратите на е-маил mikroohrid@gmail.com

ТРИ ВО ЕДНО

КОНТРОЛА НА СТЕРИЛНОСТ НА УРЕДИ ЗА СТЕРИЛИЗАЦИЈА

ЗДРАВСТВЕНО-ХИГИНЕСКИ ПРЕГЛЕДИ НА ВРАБОТЕНИ

ДЕЗИНФЕКЦИЈА, ДЕЗИНСЕКЦИЈА, ДЕРАТИЗАЦИЈА

Согласно постоечката законска регулатива определена со Правилникот за поблиските критериуми за сузбивање и спречување на интрахоспиталниинфекции, Сл.весник на РМ бр. 25/08, во кој меѓу другото, се предвидува: вршење на контрола на стерилност во уредите за стерилизација на приборот, инструменти и материјали за медицински интервенции во сите здравствени установи кои поседуваат и ги користат таквите уреди, вршење на здравствено-хигиенски прегледи на вработениот персонал и вршење на мерки на дезинфекција на инструменти, медицински прибор и околина, како и дезинсекција и дератизација на простории во здравствени установи, Центар за јавно здравје Охрид со своите материјално-технички и човечки ресурси, стручно, професионално и одговорно ги врши горенаведените услуги.

Со цел овие услуги да ги приближиме до здравствените установи и воедно ја олесниме постапката за исполнување на законските обврски од овој дел, Центар за јавно здравје Охрид Ви нуди единствена можност, наша мобилна екипа, во законски предвидениот период, или по Ваш повик, да ги изврши горенаведените услуги во Вашата установа (ги достави и земе потребните материјали-спори, брисеви и сл.), ја изврши потребната анализа во своите лаборатории и после подмирените трошоци од Ваша страна, за извршената услуга, да Ви достави соодветен наод/потврда по електронски пат (е-маил) или по пошта на адреса на Вашата установа.

За повеќе информации погледнете го договорот и доколку го препознаете Вашиот интерес во оваа понуда, потврдете на е-маил mikroohrid@gmail.com и наведете ја услугата за која имате потреба да биде извршена од наша страна, по што ќе следува официјализирање на соработката со потпишување на соодветен договор.

29-ти септември, Светски ден на срцето, годинава се одбележува под мотото:

БИДИ ХЕРОЈ НА СВОЕТО СРЦЕ!

КАРДИОВАСКУЛАРНИТЕ БОЛЕСТИ, убиваат повеќе од 17,9 милиони луѓе секоја година и се водечка причина за смрт во светот. 80% од предвремените умирања, од кардиоваскуларни болести, би можеле да се одбегнат со само неколку промени во нашите животи кои би ги ставиле под контрола главните ризик фактори, одговорни за нивно настанување: употреба на тутун, нездрава исхрана, физичка неактивност и штетна употреба на алкохол.

Ние веруваме дека секое отчукување на срцето е важно и затоа овој Светски Ден на Срцето сакаме секој да биде Херој на срцето со ветување:

♥ Ветување дека во нашите семејства ќе се готви и јаде здраво, ќе се вежба повеќе и нема да се пуши тутун;

♥ Ветување дека ќе им помогнеме на нашите деца да бидат повеќе активни и да речат НЕ на пушењето;

♥ Ветување како здравствени професионалци да им помогнеме на пациентите да се откажат од пушењето, да го намалат нивниот холестерол и да се подигне свеста против сите ризик фактори за кардиоваскуларни заболувања;

♥ Ветување за МОЕТО СРЦЕ, ТВОЕТО СРЦЕ;

♥ Дај си себеси ветување, дека ќе се придружиш во борбата против убиецот број еден во светот.

ЈАВНИ НАБАВКИ

План за јавни набавки 2022

https://cjzohrid.mk:443/couch/uploads/file/plan za jn 2022.pdf

Завршна сметка 2021

https://cjzohrid.mk:443/couch/uploads/file/godisna smetka 2021

ЗАВРШНА СМЕТКА 2019 ГОДИНА

ЗАВРШНА СМЕТКА 2018 ГОДИНА

ЗАВРШНА СМЕТКА 2017 ГОДИНА

ЗАВРШНА СМЕТКА 2016 ГОДИНА

АНАЛИЗА НА

АМБУЛАНТНО-ПОЛИКЛИНИЧКИ МОРБИДИТЕТ ЗА 2016 ГОДИНА

Центарот за јавно здравје Охрид го покрива подрачето на општините Охрид, Дебрца, Дебар и Центар Жупа, Струга и Вевчани со 103 населени места и 151486 жители, од кои 7,8% се деца на вораст од 0-6 години, 23,4% е население од 7-24 години, а најголем е бројот на лица на возраст 25 и повеќе години, 68,8% од вкупното население.

Во текот на 2016 година во амбулантно-поликлиничката дејност, здравствена заштита на населението пружале 136 лекари, од кои 45 или 33,1% се лекари специјалисти, 84 стоматолози (22,6% специјалисти) и 265 вработени со средна школа од кои 218 се медицински техничари (Таб. 1). Во сите дејности има соодветен кадар освен во дејноста за училишни деца и младина. На оваа популација здравствена заштита пружаат и општите амбуланти, но и педијатриските амбуланти, а само превентивните тимови имаат лекари специјалисти

ВРАБОТЕН КАДАР ВО АМБУЛАНТНО-ПОЛИКЛИНИЧКАТА ДЕЈНОСТ

-состојба 31.12.2016 година-

Таб. 1

Дејност	Лекари				Стоматолози		Виша сс		Средна сс
Дејност	Се	Општа мед.	На спец.	Специјалисти	Стоматолози	Специјалисти	Се	Мед. техн.	Се	Мед. техн.
Општа медицина	98	76	2	20			1	1	138	134
З. З. на деца	15	1		14			1	1	24	24
З. З. на жени	14			14					14	14
Забоздравствена заштита					74	25	2		94	72
ВКУПНО	127	77	2	48	74	25	4	2	270	244

Во дејноста за општа медицина здравствена заштита на населението во текот на 2016 година пружале 98 лекари од кои 20,4% се специјалисти и 270 вработени со средна школа од кои 90,3% се медицински техничари, кои пружиле здравствена заштита на 547505 лица или 5,3 посети по жител. Од вкупниот број на прегледи 42,7% се први прегледи, и тоа, во Струга бројот на први посети е помал одколку во Дебар и Охрид изнесува 35,5% за разлика од Охрид и Дебар каде е 39,9% односно 66,4% од вкупниот број на посети. Стапката на преваленца изнесува 5254,5 на 1000 жители, со тоа што е највисока во Дебар и изнесува 4090, за разлика од Охрид каде изнесува 3065,9 и Струга , каде е најниска и изнесува 3046,1 на 1000 жители.Стапката на инциденца на ниво на регион изнесува 1898,2 на 10000 жители и е највисока во охридското подрачје, 2736,7%о, следи Дебар со стапка од 1982,2. И Струга со најниска стапка од 1119,7%о.

Во специфичниот морбидитет на возрасната популација над 25 години, како и предходната година, на целото подрачје, доминираат болестите на циркулаторниот систем со стапка од 412,9 на 1000 жители( во Охрид 630,7, во Дебар 432,7 а Струга 211,7), а по нив следат болести на респираторен систем со стапка од 274,6 на 1000 жители. На трето место во целокупниот морбидитет се ендокрини и метаболни болести со стапка од 193,6, кои се на трето место на охридското и струшкото подрачје, но не и на дебарското подрачје каде второ место завземаат болестите мускулниот систем и на сврзното ткиво со стапка од 254,2 на 1000 жители, а на трето место се болести на респираторен систем со стапка од 228,6 на 1000 жители(Таб.2).

УТВРДЕНИ ЗАБОЛУВАЊА – СОСТОЈБИ ВО ДЕЈНОСТ ЗА ОПШТА МЕДИЦИНА ЗА 2016 ГОДИНА

Таб. 2

Заболувања-состојби	Вкупно		Охрид		Струга		Дебар
Заболувања-состојби	Број	Стапка	Број	Стапка	Број	Стапка	Број	Стапка
A00-B99	2538	23,6	1571	38,8	669	14,6	298	14,8
C00-D48	1966	18,5	1231	30,4	349	7,6	386	19,1
D50-D89	2045	19,2	1061	26,2	557	12,2	427	21,2
E00-E90	20578	193,6	11457	283,2	4900	107,1	4221	209,9
F00-F99	15302	143,9	9230	228,2	3076	67,2	2996	148,9
G00-G99	3830	36,0	2414	59,7	649	14,2	767	38,1
H00-H59	8497	79,9	5207	128,7	1723	37,7	1567	77,9
H60-H95	4859	45,7	2839	70,2	1206	26,3	814	40,5
I00-I99	43900	412,9	25515	630,7	9683	211,7	8702	432,7
J00-J99	29187	274,6	16542	408,9	8048	175,9	4597	228,6
K00-K93	14945	140,6	6777	167,5	4954	108,3	3214	169,8
L00-L99	6108	57,4	3015	74,4	1647	36,0	1446	71,9
M00-M99	16054	151,0	6938	171,5	4004	87,5	5112	254,2
N00-N99	11871	111,7	6353	157,0	3540	77,4	1978	98,3
O00-O99	18	0,2	8	0,2	2	0,04	8	0,4
Q00-Q99	70	0,6	31	0,8	12	0,3	27	1,3
R00-R99	8812	82,9	4188	103,5	2884	63,1	1740	86,5
S00-T98	2851	26,8	1263	31,2	996	21,8	592	29,4
Z00-Z99	9357	99,0	5069	125,3	3314	72,4	974	48,4
Вкупно	201788	1898,2	110709	2736,7	51213	1119,7	39866	1982,2

Во дејноста за здравствена заштита на училишни деца и младина во текот на 2016 година извршени се вкупно 46316 од кои 32095 или 69,3% се први прегледи. Стапката на преваленца изнесува 1305,5 на 1000 жители и е највисока на охридското подрачје каде изнесува 2372,3%о а најниска на струшкото подрачје, 668,6%о, додека стапката на инциденце е пониска и изнесува 904,9%о на ниво на регион, со тоа што и таа е највисока на подрачјето на Охрид, 1534,3 на 1000 жители, следи Дебар со 931,9 и Струга, со далеку пониска стапка, која изнесува 484,3 на 1000 жители. На целото подрачје има посебни тимови само за превентивни прегледи, па здравствена заштита на оваа групација пружаат сите здравствени установи. Машките и женските се речиси подеднакво застапен со процент од 50,2 за машките и 49,8 за женските.

УТВРДЕНИ ЗАБОЛУВАЊА - СОСТОЈБИ ВО ДЕЈНОСТ ЗА УЧИЛИШНИ ДЕЦА И МЛАДИНА ЗА 2016 ГОД.

Таб. 3

Заболувања- состојби	Вкупно		Охрид		Струга		Дебар
Заболувања- состојби	Број	Стапка	Број	Стапка	Број	Стапка	Број	Стапка
A00-B99	1418	39,9	1089	99,9	192	11,3	137	18,2
C00-D48	90	25,4	55	5,0	23	1,3	12	1,6
D50-D89	492	13,9	238	21,8	144	8,4	110	14,6
E00-E90	324	9,1	185	16,9	57	3,3	82	10,9
F00-F99	425	11,9	242	22,2	85	4,9	98	13,0
G00-G99	523	14,7	343	31,4	60	3,5	120	15,9
H00-H59	2110	59,5	1253	114,9	400	23,5	457	60,7
H60-H95	1030	29,0	562	51,5	290	17,0	178	23,6
I00-I99	201	5,7	90	8,2	70	4,1	41	5,4
J00-J99	12680	357,5	6530	598,8	3216	188,8	2934	389,6
K00-K93	1742	49,1	649	59,5	574	33,7	519	68,9
L00-L99	2081	58,7	939	86,1	566	33,2	576	76,5
M00-M99	1145	32,3	545	49,9	315	18,5	385	51,1
N00-N99	1183	33,3	525	48,1	417	24,4	241	32,0
O00-O99	3	0,1	0	0	1	0,06	2	0,3
Q00-Q99	134	3,8	73	6,7	27	1,6	34	4,5
R00-R99	2832	79,8	1269	116,3	924	54,2	639	84,9
S00-T98	864	24,3	316	28,9	269	15,8	279	37,1
Z00-Z99	2808	79,1	1925	176,5	710	41,7	173	22,9
Вкупно	32095	904,9	16828	1543,3	8250	484,3	7017	931,9

Во специфичниот морбидитет по групи на болести, како и предходните години, доминираат болестите на респираторниот систем со стапка од 357,5 на 1000 жители, а стапката е највисока на охридското подрачје и изнесува 598,8%о, следи Дебар со 389,6%о и Струга со 188,8%о (Таб.3). На високото второ место, но со далеку помала застапеност, се наоѓа групата на симтоми, знаци и ненормални клинички и лабораториски наоди со стапка од 72,4%о. Трето место во морбидитет на целото подрачје отпаѓа на болести на кожа и поткожно ткиво 51,8 на 1000 жители но тие се на трето место на подрачјето на Охрид и Струга, додека на подрачјето на Дебар на трето место се наоѓаат болести на дигестивен систем со стапка од 77,7%о.

УТВРДЕНИ ЗАБОЛУВАЊА-СОСТОЈБИ ВО ДЕЈНОСТ ЗА ЗДРАВСТВЕНА ЗАШТИТА НА ДЕЦА ЗА 2016 г..

Таб. 4

Заболувања-состојби	Вкупно		Охрид		Струга		Дебар
Заболувања-состојби	Број	Стапка	Број	Стапка	Број	Стапка	Број	Стапка
A00-B99	332	28,1	119	28,1	106	20,2	107	45,8
C00-D48	25	2,1	19	4,5	4	0,8	2	0,8
D50-D89	1197	101,3	460	108,7	218	41,5	519	22,5
E00-E90	996	84,2	495	116,9	120	22,9	381	163,3
F00-F99	89	7,5	62	14,6	19	3,6	8	3,4
G00-G99	85	7,2	41	9,7	6	1,12	38	16,3
H00-H59	1351	114,3	775	183,3	228	43,4	348	149,2
H60-H95	1412	119,5	742	175,3	167	31,8	503	215,6
I00-I99	14	1,2	3	0,7	7	1,3	4	1,7
J00-J99	15475	1309,8	7990	1887,5	2842	541,4	4643	1990,1
K00-K93	1425	120,6	422	99,7	293	55,8	710	304,3
L00-L99	1661	140,6	755	178,4	284	54,1	622	266,6
M00-M99	231	19,5	98	23,1	72	13,7	61	26,1
N00-N99	542	75,9	305	72,1	58	11,0	179	76,7
P00-P96	103	8,7	47	11,1	38	7,2	18	7,7
Q00-Q99	233	19,7	107	25,3	35	6,7	91	39,0
R00-R99	2220	187,9	1179	278,5	380	72,3	661	283,3
S00-T98	275	23,3	74	17,5	71	13,5	130	55,7
Z00-Z99	3648	308,7	2921	690,1	593	112,9	134	57,4
Вкупно	31314	2650,3	16614	3924,9	5541	1055,6	9159	2925,8

Здравствена заштита на деца во текот на 2016 година обавувале 14 доктори специјалисти и 24 медицински техничари во специјалистички амбуланти, но покрај нив и општите амбуланти пружаат здравствена заштита на оваа групација. Тие во текот на годината пружиле здравствена заштита на 43618 деца, или 3,6 прегледи по дете, од кои 60,7% се први прегледи, со стапка на преваленца од 3691,7 на 1000 деца. Стапката на инциденца за 2016 година , на ниво на регион изнесува 2650,3 на 1000 деца од 0-6 години и е највисока во Охрид 3924,9, следи Дебар со 2925,8 па Струга со стапка од 1055,8 на 1000 деца (Таб.4)

Во специфичниот морбидитет по групи на заболувања, на ниво на регион, како и предходните години доминираат респираторните заболувања со 1309,8 на 1000 деца, а по нив следат, но со далеку помала застапеност, 187,9 на 1000 деца, групата на симтоми, знаци и ненормални клинички и лабораториски наоди и болести на кожа и поткожно ткиво со преваленца од 140,6%о. Во охридското подрачје застапеноста по групи на заболувања е иста како и на ниво на регион, но на струшкото подрачје на трето место се наоѓаат болести на дигестивен ситем, а додека на дебарското подрачје на второ место со застапеност од 304,3 на 1000 деца се болести на дигестивен систем, а додека на трето место со стапка од 283,3%о се симтоми, знаци и ненормални клинички и лабораториски наоди.

УТВРДЕНИЗАБОЛУВАЊА-СОСТОЈБИ ВО ДЕЈНОСТ ЗА ЗДРАВСТВЕНА ЗАШТИТА НА ЖЕНИ ЗА 2016 г.

Табела 5

Заболувања-состојби	Вкупно		Охрид		Струга		Дебар
Заболувања-состојби	Број	Стапка	Број	Стапка	Број	Стапка	Број	Стапка
A00-B99	34	0,4	22	0,8	12	0,3	0	0
C50-D48	1053	13,9	496	17,5	359	10,5	198	14,5
I00-I99	17	0,2	7	0,2	8	0,2	2	0,1
N00-N99	12811	169,3	4336	47,2	4995	146,8	3480	256,3
O00-O99	1837	24,3	377	13,3	1206	35,4	254	18,7
Q00-Q99	6	0,1	2	0,1	4	0,1	0	0
R00-R99	325	4,3	67	2,4	189	5,6	69	5,1
S00-T98	0	0	0	0	0	0	0	0
Z00-Z99	5434	71,9	1765	62,4	2112	62,1	1557	114,7
Вкупно	21517	338,9	7072	250,2	8886	261,2	5560	409,4

На подрачјето на Охрид, Струга и Дебар, амбулантно-поликлиничка здравствена заштитан а жени се обавува во 14 специјалистички установи, 5 во Охрид, 7 во Струга и 2 во Дебар, во кои работаат исто толку лекари и медицински техничари. Во оваа дејност најмал е бројот на посети по жител, само 0,3 посети, 29515 посети од кои 21517 се први посети. Во целокупниот морбидитет (Таб.5) најзастапени се болести на генитоуринарен дистем со инциденца од 169,3 на 1000 жени, а далеку помала е застапеноста, само 24,3%о на групата бременос, породување и пуерпериум. Заради интензивната работа на рано откривање на карцином на матка, на трето место се наоѓаат неоплазми со застапеност од 13,9%о, од што најголем број се бенигни неоплазми и Ца ин ситу на грло на матка.

Во дејноста за здравствена заштита на устата и забите немаме реална слика заради одсуство на поголем дел на медицинска евиденција од подрачјето на Охрид и Стругаа додека од подрачјето на Дебар воопшто не се доставува до ЦЈЗ.

УТВРДЕНИ ЗАБОЛУВАЊА – СОСТОЈБИ ВО СТОМАТОЛОШКАТА ДЕЈНОСТ ЗА 20016 ГОД.

Табела 6

Заболувања-состојбиi	Вкупно		Охрид		Струга
Заболувања-состојбиi	Број	Стапка	Број	Стапка	Број	Стапка
K00-K14	5098	41,2	2691	48,4	2407	55,4
L00-L13
S00-S09
Z 01	769	6,2	291	5,2	478	7,0
Вкупно	5867	47,7	2982	53,6	2855	42,4

Во специфичниот морбидитет по поедини заболувања, во дејноста за општа медицина (Таб.7) на ниво на регион, во 2016 година најбројни биле пациенти кои побарале медицинска помош заради есенцијална хипертензија, 14,1%, а додека на второ и трето место се наоѓаат невротскиот стрет, 6,2 %, и акутен фарингит и тонзилит со застапеност од 6,1% односно 4,5%. Ваква е сликата на охридското и струшкото подрачје, додека на дебарското подрачје на прво место, како и во регионот, се наоѓа есецијална хипертензија со застапеност од 16,5% (највисока од сите подрачја), на второ место е шекерна болест а на трето место е невротски стрес со приближно иста застапеност, 6,3% шекерна болест а 6,2% невротски стрес.

НАЈЧЕСТИ ЗАБОЛУВАЊА ЛЕКУВАНИ ВО ДЕЈНОСТА ЗА ОПШТА МЕДИЦИНА ВО 2016 ГОДИНА

Таб.7

Заболувања-состојби	Вкупно		Охрид		Струга		Дебар
Заболувања-состојби	Број	%	Број	%	Број	%	Бројj	%
Шеќерна болест	8896	4,4	4947	4,5	1433	2,8	2516	6,3
Невротски стрес	12365	6,1	7256	6,5	2632	5,1	2477	6,2
Есенcijalцијална хипертензија	26953	13,3	15572	14,1	4807	9,4	6574	16,5
Други исхемични болести на срце	4608	2,3	3027	2,7	692	1,4	899	2,2
Акутен фарингит и тонзилит	9098	4,5	5691	5,1	2452	4,8	955	2,4
Бронхит, емфизем и други ХОБ	4928	2,4	2691	2,4	1229	2,4	1008	2,5
Гастрит и дуоденит	7750	3,8	3318	2,9	2357	4,6	2075	5,2
Артроза	2921	1,4	1126	1,0	544	1,1	1251	3,1
Цистит	2473	1,2	1237	1,1	692	1,4	544	1,4
Хиперплазија на простата	3432	1,7	2141	1,9	520	1,0	771	1,9
Други повреди на означени и неозначени регии	1439	0,7	659	0,6	445	0,9	335	0,8
Вкупно	201788	100	110709	100	51213	100	39886	100

Во специфичниот амбулантно-поликлинички морбидитет кај училишни деца младина (Таб. 8) најчести се акутен фарингит и тонзилит, 20,2% од целокупниот морбидитет, со најголема застапеност во охридското подрачје, 23,9%, 16,9% на подрачјето на Струга и 14,9% на подрачјето на Дебар. На второ место со далеку помала застапеност се други акутни горнореспираторни инфекции со застапеност од 7,8%, кои се најзастапени, 10,5%, на дебарското подрачје, следат струшкото подрачје со 8,3% И охридското со 6,3%. На трето место се други симтоми, знаци и ненормални клинички и лабораториски наоди со застапеност од 5,5%, најзастапени на струшкото подрачје со 6,9% од вкупниот број на лекувани лица во оваа дејност.

НАЈЧЕСТИ ЗАБОЛУВАЊА ЛЕКУВАНИ ВО ДЕЈНОСТА ЗА ЗДРАВСВЕНА ЗАШТИТА НА УЧИЛИШНИ ДЕЦА И МЛАДИНА ВО 2016 ГОДИНА

Таб. 8

Заболувања-состојбиi	Вкупно		Охрид		Струга		Дебар
Заболувања-состојбиi	Број	%	Број	%	Број	%	Број	%
Коњуктивит и други заболувања на коњуктива	875	2,7	537	3,2	132	1,6	206	2,9
Заболувања на рефракција и акомодација	567	1,8	368	2,2	123	1,5	76	1,1
Акутен фарингит и тонзилит	6486	20,2	4038	23,9	1396	16,9	1052	14,9
Други горнореспираторни инфекции	2491	7,8	1062	6,3	687	8,3	742	10,5
Акутен бронхит и бронхиолит	1058	3,3	722	4,3	265	3,2	71	1,0
Други болести на езофагус и желудник	414	1,3	74	0,4	117	1,4	223	3,2
Дерматит и егзем	1347	4,2	631	3,7	358	4,3	358	5,1
Skolioza	422	1,3	231	1,4	84	1,0	107	1,5
Абдоминална и карлична болка	823	2,6	343	2,0	216	2,6	264	3,8
Други симптоми, знаци и ненормални клинички и лаб. наоди	1774	5,5	846	5,0	574	6,9	354	5,0
Други повреди на означени и неозначени регии	491	1,5	163	0,9	147	1,8	181	2,6
Вкупно	32095	100	16828	100	8250	100	7017	100

Во текот на 2016 година во дејноста за здравствена заштитана предучилишни деца, 21,5% од лекуваните, на ниво на регион, побарале стручна помош заради акутен фарингит и тонзилит (Таб.9). На второ место со зачестеност од 8,2% се наоѓаат други акутни горнореспираторни инфекции, а на трето место со 6,3% се акутен бронхит и бронхиолит. Ваквиот редослед на заболувањата се забележува на подрачлето на Струга, додека на охридското подрачје на второ место е акутен бронхит и бронхиолит (7,4%) а на трето место се други акутни горнореспираторни инфекции со застапеност од 5,3%, кои пак, на подрачјето на Дебар се најзастапени, 16,6% и се наоѓаат на прво место во специфичниот морбидитет, а по нив следат акутен фарингит и тонзулит, застапени со 15,3% и акутен ларингит и трахеит со 10,5% застапеност. Интересно е да се забележи да пнеумонијата на подрачјето на Охри е застапена со 2% а на другите подрачја само со 0,5%, додека други болести на езофагус и желудник на подрачјето на Дебар се на четврто место со застапеност од 5,6%, а пак на другите подрачја се на единаесето или десето место.

НАЈЧЕСТИ ЗАБОЛУВАЊА ЛЕКУВАНИ ВО ДЕЈНОСТА ЗА ЗДРАВСТВЕНА ЗАШТИТА НА ДЕЦА ВО 2016 г.

Таб. 9

Заболувања и состојби	Вкупно		Охрид		Струга		Дебар
Заболувања и состојби	Број	%	Број	%	Број	%	Број	%
Анемија	1160	3,7	449	2,7	196	3,5	515	5,6
Дефицит на витамин Д	981	3,1	526	3,2	83	1,5	372	4,1
Отитис медиа	1246	3,9	638	3,8	112	2,0	496	5,4
Акутен фарингит и тонзилит	6722	21,5	4071	24,5	1248	22,5	1403	15,3
Акутен ларингит и трахеит	1487	4,7	358	2,1	170	3,1	959	10,5
Други акутни горнореспираторни инфекции	2560	8,2	877	5,3	724	13,1	1429	16,6
Пнеумонија	411	1,3	334	2,0	34	0,6	43	0,5
Акутен бронхит и бронхиолит	1981	6,3	1228	7,4	424	7,6	329	3,6
Други болести на езофагус и желудник	819	2,6	191	1,1	114	2,1	514	5,6
Дерматит и егзем	1299	4,1	563	3,4	218	3,9	517	5,6
Други симптоми, знаци и ненормални клинички и лаб.наоди	1100	3,5	356	2,1	234	4,2	510	5,5
Вкупно	31314	100	16614	100	5541	100	9159	100

Во текот на 2016 година во дејноста за здравствена заштита на жени, на ниво на регион, најголем број на жени, 13,8%, биле лекувани од воспалителни болести на утерус, а веднсш после нив со застапеност од 11,3% следат други болести на вулва и вагина (Таб. 10). На трето место со далеку помала застапеност, 6,2% се нарушувања на менструација. Ваквата слика се забележува на подрачјето на Охрид и Струга, додека на дебарското подрачје на прво место се други воспаленија на вулва и вагина со застапеност од 15,9%, на второ место со 6,6% се нарушувања на менструација, додека на трето место со 6,4% е цистит.

НАЈЧЕСТИ ЗАБОЛУВАЊА ЛЕКУВАНИ ВО ДЕЈНОСТА ЗА ЗДРАВСТВЕНА ЗАШТИТА НА ЖЕНИ ВО 2016 г.

Таб. 10

Заболувања-состојби	Вкупно		Охрид		Струга		Дебар
Заболувања-состојби	Број	%	Број	%	Број	%	Број	%
Лејомиом	265	1,2	109	1,5	84	0,9	72	1,3
Бенигна неоплазма на овариум	338	1,6	263	3,7	48	0,5	27	0,5
Циститис	668	3,1	200	2,8	109	1,2	359	6,4
Воспалителни болести на цервикс утериi	2968	13,8	1472	20,8	1440	16,2	56	1,0
Други воспалениа на вулва и вагина	2429	11,3	788	11,1	757	8,5	884	15,9
Други воспалителни болести на женски карлични органи	556	2,6	508	7,2	19	0,2	29	0,5
Дисплазија на цервикс на утерус	313	1,4	268	3,8	38	0,4	7	0,1
Нарушување на менструација	1337	6,2	532	7,5	438	4,9	367	6,6
Менопаузални и други перименоп. пореметувања	259	1,2	67	0,9	95	1,1	97	1,7
Други компликации на бременост и породување	520	2,4	220	3,1	219	2,4	81	1,4
Вкупно	21517	100	7072	100	8885	100	5560	100

НАЈЧЕСТИ ЗАБОЛУВАЊА ЛЕКУВАНИ ВО СТОМАТОЛОШКАТА ДЕЈНОСТ ВО 2016 ГОДИНА

Таб. 11

Заболувања-состојби	Вкупно		Охрид		Струга
Заболувања-состојби	Број	%	Број	%	Број	%
Заболувања во развојот и никнување на забите	81	1,4	34	1,1	47	1,6
Набиени или заглавени заби	22	0,4	19	0,6	3	0,1
Дентален кариес	2383	40,6	1366	45,8	1017	35,2
Други болести на цврсти ткива на забите	497	8,5	129	4,3	368	12,7
Болести на пулпа и периапикално ткиво	1184	20,2	669	22,4	515	17,8
Акутен и хроничен гингивит и периодонтоза	202	3,4	113	3,8	89	3,1
Акутен и хроничен периодонтит	359	6,1	140	4,7	219	7,6
Дентофацијални аномалии	121	2,1	99	3,3	22	0,7
Други заболувања и состојби на забите и потпорните структури	214	3,6	95	3,2	119	4,1
Вкупно	5867	100	2982	100	2855	100

Во стоматолошката дејност со 40,6% застапеност од вкупниот број на прегледи, доминира дентален кариес, а на второ место се наоѓаат болести на пулпа и периапикално ткиво, 20,2%, додека со застапеност од 3,4% се акутен и хроничен гингивит и периодонтоза (Таб. 11).

Од направената анализа на амбулантно поликлиничкиот морбидитет може да се заклучи дека на целото подрачје кај младата популација доминираат болестите на респираторниот систем, а додека кај возрасните болестите на циркулаторниот систем. На намалување на овие заболувања може да се делува со;

- здравствено воспитни активности усмерени кон правилен начин на исхрана;

- зголемена, но и секојдневна физичка активност:

- боравок во природа на предучилишните деца:

- контрола на здравјето, со ЕКГ и лабораториски анализи, еднаш годишно, на ризичните групации, за рано откривање на болести на срце и крвни садови;

- здравствено воспитување во врска со одржување на хигиена на устата и забалото, но и редовни посети кај стоматолог, почнвајќи од најраната возраст, заради превенција на кариес:

- кај женската популација да се зголеми бројот на посети кај специјалист гинеколог барем на 1 посета во годината со цел рано откривање на одредени заболувања специфични за оваа популација.