Превентивни Програми
ГРИП
Influence (grip) е космополитско заразно капково заболување, кое примарно ги напаѓа кое примарно и селактивно го напаѓа епителот на респираторниот систем.
Грипот е непроменлива болест причинета со променлив вирус (антигенски нестабилен)
Грипот клинички се манифестира по инкубационен период од 1- 3 дена.
Болеста почнува нагло, со покачена температура над 380С, треска, течење на носот, болки во грлото, солзење, болки во мускули, малаксаност, главоболка во пределот на челото и слeпоочната регија. Болниот губи апетит, има несоница. Почнува суво да кашла и чувствува болки зад градната коска. Кај некои луѓе се јавува абдоминална болка, пролив, како и повраќање. По неколку дена температурата литички паѓа и почнува да се подобрува општата состојба.
ЗАШТИТА ОД ГРИП
Општите мерки за заштита од грип се во насока на спречување на инфекција и зајакнување на општата отпорност на телото и вклучуваат:
- Да се избегне контакт со заболени лица и лица сомнителни за грип
- Задолжително миење на рацете со вода и сапун, особено по допирање на очите, носот и устата.
- Да се покриваат носот и устата со рака или марамче за еднократна употреба при кивање и кашлање
- По употребата шамивчињата веднаш да се фрлаат во отпад
- Да се бришат рацете со влажни шамивчиња на база на алкохол
- Редовно проветрување на просториите и подолг престој на свеж воздух,
- Да се избегнуваат јавни собири и стресни состојби,
- Да се консумира храна богата со витамини (свежо овошје и зеленчук), топли пијалаци (чаеви и супи) и умерена физичка активност.
- Да се остане дома и да не се оди на работа и училиште во случај на појава на симптоми на грип и да се ограничат сите контакти со други лица, со цел да се спречи можноста и тие да се заразат
- Изолација и лекување во домашни услови на заболените до опоравување, односно. најмалку 24 часа по исчезнување на симптомите на болест
За лечење на некомплицираните случаи на грип, важен е одмор, правилна исхрана, употребата на витаминска терапија, доволен внес на течности, топли пијалаци, доколку е потребно, треба да се земаат лекови за висока температура, кашлица и капки за нос.
Тешки форми и компликации треба да се лекуваат во болница
Најефикасна специфична меркa за спречување на грип е вакцинацијата. Светската здравствена организација препорачува вакцината секоја сезона, кој ги содржи актуелните соеви на вирусот на грип регистрирани во циркулацијата претходната сезона на грип.
